Kort og godt med Hilde K. Kvalvaag
I Kort og godt får vi opplesingar frå fire forfattarar. Første hovudgjest i haust er Hilde Kvalvaag. Ho har invitert forfattarkollegaer til å lese opp eigne tekstar, som på eit vis eller eit anna kan koplast til tema Kvalvaag har valt, som er råskap.
Velkommen til Kort og godt, ei serie arrangement med opplesingar med varierande tematikk og gjestar. Kvart arrangement har ein hovudgjest som inviterer tre forfattarkollegaer til å lese opp noko frå sine forfattarskap. Hovudgjesten vel seg òg eit tema, som alle saman har i bakhovudet då dei vel tekst til opplesing. Den kritikarroste forfattaren Hilde Kvalvaag er kveldens hovudgjest. Ho har valt seg råskap som tema for kvelden, og dei inviterte forfattarane er Eli Fossdal Vaage, Eivind Riise Hauge og Sandra Lillebø. Det blir opplesingar frå alle fire forfattarane, men på kva slags måte tekstane deira kastar lys over temaet, gjenstår å sjå.
Billettar - "Betal det du kan" -kr 50.- 75.- eller 100.-